جمعہ کو IRNA کی رپورٹ کے مطابق، ایران میں پاکستانی سفارتخانے نے سوشل نیٹ ورک x پر اپنے آفیشل صارف اکاؤنٹ پر ایک پیغام میں لکھا کہ پاکستان ہمیشہ ہر مشکل وقت میں ایران کے ساتھ کھڑا ہے۔
پیغام میں آیا ہے کہ دو برادر ممالک کے درمیان تعاون اور باہمی اعتماد، ایک پیچیدہ علاقائی ماحول میں، امن اور استحکام کے لیے ضروری ہے۔
پاکستانی سفارتخانے کے x پیغام میں مزید کہا گیا ہے کہ پاکستان امن، استحکام اور ترقی کے فروغ کے لیے اپنی اقدار کا مضبوطی سے دفاع کرتا ہے۔
اس سے قبل، ایران میں پاکستان کے سابق سفیر رحیم حیات قریشی نے بھی، جو اس وقت اسلام آباد میں وزارت خارجہ میں خدمات انجام دے رہے ہیں، اپنے xاکاؤنٹ میں لکھا تھا کہ ایران اور پاکستان کے درمیان برادرانہ تعلقات ہیں اور تمام مسائل کو بات چیت کے ذریعے حل کرنا چاہتے ہیں۔
انہوں نے اس بات پر زور دیا کہ دہشت گردی سمیت مشترکہ چیلنجوں سے نمٹنے کے لیے مربوط اقدامات کی ضرورت ہے۔
تہران، ایران اور پاکستان کے عوام اور حکومتوں کے درمیان اچھی ہمسایگی اور بھائی چارے کی پالیسی کا پابند ہے اور دشمنوں کو دونوں ملکوں کے اچھے اور برادارانہ تعلقات کو خراب کرنے کی ہرگز اجازت نہیں دینگے۔
بیان میں کہا گیا ہے کہ ایران، اپنے عوام کی سلامتی اور ارضی سالمیت کو ریڈ لائن سمجھتا ہے اور دوست اور برادر ملک پاکستان سے اسے پوری توقع ہے کہ وہ اپنی سرزمین پر دہشتگردوں کے اڈوں کا خاتمہ کرنے سے متعلق اپنے وعدوں پر عمل کرے گا۔
پاکستان کی وزارت خارجہ کی ترجمان نے گزشتہ روز اپنی پریس کانفرنس میں دہشت گردی کے چیلنج سے نمٹنے کی غرض سے اسلامی جمہوریہ ایران کے ساتھ تعاون جاری رکھنے کا عزم ظاہر کرتے ہوئے کہا تھا کہ ایران ہمارا برادر ملک ہے اور پاکستان اپنے ہمسایہ کی خودمختاری اور ارضی سالمیت کا احترام کرتا ہے۔
انہوں نے اس بات پر زور دیا کہ پاکستان کبھی بھی کشیدگی بڑھانے کا خواہاں نہیں رہا اور اپنے برادر پڑوسی ملک ایران کے ساتھ بات چیت اور افہام تفہیم کو اہمیت دیتا ہے۔
آپ کا تبصرہ